പുലിതൻ പുറത്തേറി വന്നൊരെന്നയ്യനെ-
കണി കണ്ടു തൊഴുതിടാനുളളിൽ മോഹം.
വ്രതമെടുത്തടിയങ്ങൾ തിരുമുന്നിലണയുമ്പോൾ
ദർശനപുണ്യം നൽകിടണേ.
ഹൃദയം നിറഞ്ഞുള്ള സങ്കടക്കനൽ മീതെ-
വ്രതപുണ്യമഴയായ് പെയ്തിടണേ ,
എന്‍റെ ദുരിതങ്ങളെല്ലാമകറ്റിടണേ.
( പുലി തൻ )
കാനന നടുവിലെയമ്പലത്തിൽ
മാമലമേലുള്ളൊരമ്പലത്തിൽ
പതിനെട്ടു പടികൾക്കു മുകളിൽ
വിരാജിക്കും കലിയുഗവരദനാമെന്നയ്യൻ
ഈ ലോക രക്ഷകനെന്നയ്യൻ
( പുലിതൻ )
ഇരുമുടിക്കെട്ടും ശിരസിലേന്തി
ജീവിതദു:ഖങ്ങൾ നെഞ്ചിലേറ്റി
പമ്പതൻ തെളിനീരിൽ പാപങ്ങൾ കഴുകി ഞാൻ
ഭക്തിതൻ പാരമ്യ സുകൃതം നുകരുന്നു
ശ്രീധർമ്മശാസ്താവിൻ തിരുമുന്നിൽ
(പുലിതൻ)
രഞ്ജിത് വെള്ളിമൺ