വിഘ്നങ്ങളൊക്കെയകറ്റുന്ന ദൈവമേ
കഷ്ടതയൊക്കെയും മാറ്റുന്നൊരീശ്വരാ
ഇഷ്ടങ്ങളൊക്കെയും നേടിത്തരുന്നൊരാ
ശ്രീഗണനാഥനെ കൈതൊഴുന്നേൻ
(വിഘ്നങ്ങളൊക്കെയും )
ആരംഭ ദേവനായാദ്യം ഭജിക്കുന്ന
മൂഷികവാഹനൻ വിഘ്നേശ്വരൻ
കഷ്ടതയൊക്കെയകറ്റുവാനടിയങ്ങൾ
നാളികേരങ്ങളുടച്ചിടുന്നേൻ
ഈ ജന്മപാപങ്ങൾ തീരാനടിയങ്ങൾ
കുമ്പിടുന്നേൻ നിൻ തിരുമുന്നിൽ
(വിഘ്നങ്ങളൊക്കെയും)
വിഘ്നവിനാശനായ് ലോകർ നമിക്കുന്ന
പാർവ്വതിപുത്രനാം ഗണനാഥാ
ജീവിതവീഥി സുഗമമായിടുവാൻ
കൈതൊഴുന്നേൻ ഞാൻ തിരുമുന്നിൽ
സ്വപ്നങ്ങളൊക്കെയും സഫലമായിടുവാൻ
കാരുണ്യം ചൊരിയണേ ഗണപതിയേ..
(വിഘ്നങ്ങളൊക്കെയും)
രഞ്ജിത് വെള്ളിമൺ