മഴ കാറ്റിനോട് പറഞ്ഞത്
നെഞ്ചിൽ പുകയുന്ന സങ്കടക്കനൽ
നീ കണ്ടുവോ കാറ്റേ ?
വിങ്ങിപ്പൊട്ടുമെൻ നെഞ്ചിടിപ്പിൻ സ്വരം
നീ കേട്ടുവോ കാറ്റേ ?
നിരാശ തീണ്ടിയിരുണ്ടൊരെൻ മേനി
നീ കണ്ടുവോ കാറ്റേ ?
ഇനിയുമേറെ നേരം ഈ ഭാരം താങ്ങി
നിൽക്കുവാനെനിക്കാവതില്ല കാറ്റേ
ഒരു തലോടലായ് , സാന്ത്വനമായ് നീ
അരികിലെത്തുമോ കാറ്റേ ?
നിന്നെ കെട്ടിപ്പിടിച്ചൊന്ന് പൊട്ടിക്കരയണം,
ഈ ഭാരമൊക്കെയും ഉപേക്ഷിക്കണം,
പിന്നെയൊരു പുൽക്കൊടിത്തുമ്പിൽ
മണിമുത്തായിരുന്നൊന്നു ചിരിക്കണം
,
പിന്നെയാ മണ്ണിൻ്റെ മാറിൽ ചേർന്നുറങ്ങണം,
ഒടുവിലാ മണ്ണിൽ ചേർന്നങ്ങുറങ്ങണം..
ഒടുവിലാ മണ്ണിൽ ചേർന്നങ്ങുറങ്ങണം..
രഞ്ജിത് വെള്ളിമൺ